Home » Prome Minister Mike Eman a reuni cu figuranan di surfing local

Prome Minister Mike Eman a reuni cu figuranan di surfing local

by sxm
0 comment 82 views

ORANJESTAD – Minister President Mike Eman a sostene un encuentro hopi agradabel algun dia atras cu dos figura bon conoci di e mundo di surfing na Aruba. Di e manera aki a conoce mas di e mundo aki den siman cu a pasa a tene su competencia di mas grandi na Aruba y di esnan mas grandi den Caribe, esta e Aruba Hi Winds. Tambe a papia di e potencial di e deportenan di windsurf y kitesurf como atractivo turistico y con esaki ta relaciona cu tema di sostenibilidad.

Jeroen Westrate ta un instructor di windsurf cu tin su propio scol na Fishermen’s Huts y Annabel van Westerop ta un kiteboarder profesional cu ta studiantenan di Universidad di Aruba. Algun luna atras ambos tabatin e oportunidad di kitesurf cu Sir Richard Branson durante su bishita breve na nos isla. Branson a keda masha impresiona cu e forsa di biento y a expresa su deseo pa regresa Aruba cu mas tempo pa practica mas largo.

“Nos a papia di con pa haya mas hende local envolvi den e deportenan aki y parti di e vision cu Prome Minister tin pa nos pais,” asina Westrate a comenta na su salida di e encuentro cu Premier Eman. Van Westerop di su banda a expresa cu e bishita cerca MInister President ta ‘top off’ e experiencia di kite cu Sir Richard Branson na Aruba.

Hi Winds ta un evento cu ta crece cu cada aña y ta mas beneficioso aun paso e ta sosode durante e tempo di off season, cual pa nos ta un di e temporadanan cu mas biento, segun van Westerop a splica. Tambe ta great pa mira e cantidad di mucha y hoben cu ta participa pasobra e talento pa futuro ta prometedor. “Kitesurf y windsurf ta e deporte di futuro paso nos tin e clima y biento perfecto,” e surfista a bisa. “Nos mester mustra loke nos por ofrece y Prome Minister por yuda nos haci esey den futuro.”

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio