Home » Dos Molotovcocktail tira den patio di cas na Sividivi

Dos Molotovcocktail tira den patio di cas na Sividivi

by sxm
0 comment 84 views

Sividivi – Diadomingo marduga den careda di 12:40 polis ta wordo manda un adres den Sividivi, pa un problema di pareha.
Na yegada di polis a resulta cu ta algo otro.

Polis a wordo informa door di un habitante di cas, cu net e ta sali y ta topa cu un of persona cu e boternan traha, estilo Molotovcocktail.
Parse cu e ta reconoce e persona of personanan, pero asina mes cu nan a wordo descubri toch nan ta tira e boternan traha conteniendo kerosin of gasolin. Ta trata di un boter di un biña cu a kibra y e otro tawata un boter di Night Train cu a keda intacto.

Molotovcocktail, traha cu boter di Night Train y boter di biña

Pa un of otro motibo nan no a pega candela. Despues di esey mes ora nan a bandona e sitio den un auto.
Segun nos a compronde ta cu e caso lo ta un problema bieu, esta di relacion cu lo a caba. Pero pa un of otro motibo tin bastante odio y of venganza ainda.

Recherche y tambe departamento tecnico di polis a ser pidi pa e sitio y asina compila tur informacion posibel di e caso serio aki. Recherche sa unda pa busca basa ariba informacion di e habitantenan.

Si e personanan den e cas tawata drumi, lo por a pasa un tragedia.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio