Home » Green Market exitoso na caminda pa entrega di lista

Green Market exitoso na caminda pa entrega di lista

by sxm
0 comment 82 views

ORANJESTAD – Diadomingo a keda marca pa partido AVP como un dia di ambiente alegre den preparacion pa e momento importante di entrega di lista. Pa sigura cu tur hende ta bon prepara pa diabierna awo, tur cas di partido rond di e isla a tene un Green Market.

Aki simpatisantenan di Partido di Pueblo Arubano a busca nan bandera, banderin, t-shirt y otro articulonan pa subi caya y demostra nan apoyo na e lista victorioso di AVP. 

Adicionalmente a ofrece cos dushi di come y bebe na un manera innovativo. Tabatin pastechi berde, aros berde, bolo y tambe un green punch. 

Hopi ta esnan cu a disfruta di e dia completo sea na Green Square of na un di e Casnan di Partido den e diferente districtonan.

Partido di Pueblo Arubano AVP ta invita su militacia, simpatizante, sostenedor y henter pueblo di Aruba cu kier mira e continuacion di e prosperidad comparti, pa yega diabierna awo 4 di juli na Green Square. Di eynan lo sali den pa haci entrega di e lista di candidato di mas capacidad, experiencia, pero principalmente dedicacion pa e trabou na servicio di e pueblo di Aruba

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio