75
STA. CRUZ — Partido MEP ta satisfecho cu e resultadonan di encuestanan cu ta wordo hasi na Aruba. MEP ta hasiendo su propio encuestanan, y demas partidonan politico tambe.
Encuestanan ta mustra cu partido MEP ta cresiendo bon, y ta e partido mas grandi na Aruba. Especialmente despues di entrega di lista, MEP por a nota un cresemento aun mas grandi, indicando cu especialmente esnan indeciso tambe ta mira MEP como e alternativa pa eleccion 2017.
Partido MEP a bin ta presentando su vision pa algun luna caba, y awor ta presenta e candidatos cu lo carga e vision ey. Locual a resalta tambe ta e popularidad di lider di MEP, Evelyn Wever-Croes, cu a crese enormemente. Hopi hende ta expresa nan respet pa e lider cu a trese cambionan fundamental den e lista di MEP, preparando MEP asina no solamente pa sigiente gobernacion, sino tambe pa sigiente generacionnan. E lista di MEP ta e lista cu ta captando mas atencion, mirando cu ta esun cu ta brinda mas perspectiva.
Un encuesta independiente cu un biaha mas ta duna MEP como e partido mas grandi, sigur un motibo pa celebra.