Home » Topiconan di e prome edicion tabata finansas, economia y salubridad Nombramento di personal di gobierno mester wordo saca for di man politico

Topiconan di e prome edicion tabata finansas, economia y salubridad Nombramento di personal di gobierno mester wordo saca for di man politico

by sxm
0 comment 61 views

POR E Forsa Nobo ta kere inclusividad, den contacto estrecho cu comunidad y pa e motibo aki ta organisa un momento di contacto. Unda cu un panel di miembronan di prensa obhetivo a dirigi pregunta na e candidatonan di POR riba e topico di economia, finansas y salubridad, basa riba locual cu POR a presenta den e plan di gobernacion ‘Vision 17-21 Hunto Nos Por’.  Den e articulo aki ta toca un parti di e topico di finansas.

Esaki tabata e prome edicion di un serie di cuatro secion unda cu cada siman lo invita diferente miembro di prensa pa asina conhuntamente cu publico presente y tambe esunnan cu ta sigui e edicion via di ‘Live Streaming’ por haya sa mas di e diferente temanan cu ta forma parti di e plan di gobernacion di POR.

Durante di e prome sesion aki e candidatonan presente pa contesta pregunta tabata sr. Andin Bikker, sr. Otmar Oduber, sr. Raymond Maduro, Dr. Dellanire Maduro, Dr. Mercedes Rivera y sr. Eromil Bakmeyer. E miembronan di prensa tabata sr. Victor ‘Toko’ Winklaar, sra. Sharina Henriquez y sr. Juancho Werleman.

Topico finansas

A inicia cu e tema di Finansas sr. Oduber a splica cu basa riba locual cu ta publica den e programa pa atende cu e situacion financiero di Pais Aruba, mester reduci gasto di gobierno cu actualmente ta demasiado halto. “E cantidad di servicionan cu ta wordo brinda door di gobierno ta di mas den e sentido cu ta dunando servicionan cu no ta pertenece mas den e mundo moderno aki na servicionan di gobierno. Ta calcula cu entre 15 pa 20%  di reduccion lo mester tuma luga y lo haci esaki a traves di privatisacion y independisacion di e diferente departamentonan y servicionan den e proximo 4 pa 6 añanan pasobra esaki no ta un cos cu por wordo haci den 1 of dos aña.”

Sr. Oduber ta referi na e servicio di Rijbewijs por ehempel unda cu ta agentenan policial ta dunando e servicio aki actualmente mientras cu por privatisa esaki y e por genera fondo pa gobierno. Un otro ehempel ta Directie Scheepvaart cu ta un proyecto cu a wordo laga atras cu mescos cu e departamento di ANSA, mester wordo privatisa/ independisa pa crea fondo adicional pa gobierno. Desde dos aña pasa ta cobrando casi 4. 5 miyon florin di e barconan cu ta para afo den nos awanan. Si privatisa Directie Scheepvaart, e calculacionnan ta cu lo por genera te na 10 miyon florin den e prome dos añanan caba door di expansion di servicionan cu por brinda.  Pa loke ta e nombramento di personal di gobierno tambe partido POR ta opina cu esaki mester bay den un comision special cu saca esaki for di e man politico y cu tin un midimento corecto di personal cu ta wordo tuma. 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio