Den e ultimo dianan prome cu eleccion 2017, Partido MEP ta treciendo e vision di nos solucionnan tur dia sea ta canando y bishitando cas pa cas, bay na radionan y television cu nos plan di vision y tambe uzando medionan social pa asina nos yega mas cerca di henter nos pueblo cu nos plan di solucion, dunando e pueblo un siguransa pakico Partido MEP ta e solucion pa e proximo gobernacion.
Awe tardi pa 6:00 PM, sintonisa nos na nos pagina di Facebook cu nos programa “Nos Vision ta e Solucion”. Topico di awe ta: Enseñansa hunto cu candidatonan Sue Ann Ras, Sharlene Starke, Edgard Vrolijk y Luigi Bergen
MEP ta conciente cu e situacion di enseñansa na Aruba no ta bon na e momentonan aki. Prioridadnan a wordo poni robes den varios areanan di gobernacion den e ultimo añanan. Nos pais merece di haya e prioridadnan un bes mas na e bon ordo. MEP su vision pa enseñansa ta e solucion. Dia 22 di september awo, brinda Partido MEP bo sosten pa asina nos ehecuta nos plan di solucionnan pa Aruba. Hunto nos lo logra e cambio cu Aruba merece.