68
Zeewijk – Dialuna anochi den careda di 11:49 polis ta bay un adres na Zeewijk, cu ta pega cu New Food Center. Prome informacion tawata papia di un caso di atraco.
Segun e habitante durante cu e tawata baña 4 hende homber lo a drenta su cas. Ela sigui conta cu, nan lo tawata tin machete y palo cu nan. Ora ela tende varios stem den su cas, ela keda keto keto pa nan no hacie daño.
Manera ela haya un chance ela core sali y den su coremento ela logra pusha un di esnan cu tawata paden. Manera ela yega pafo ela cuminsa grita duro pa ayudo, caminda un bisiña atento a yama polis mes ora.
E no a logra wak mucho bon e personanan, mirando cu despues nan a core sali y desaparece den e scuridad. Polis a tira bista rond, pero no a logra topa cu e grupo aki.