Home » Segun Parlamentario Wyatt Ras: Sorpresa grandi Cu Minister ta bisa sindicato cu mester pensa riba un Aruba sin refineria

Segun Parlamentario Wyatt Ras: Sorpresa grandi Cu Minister ta bisa sindicato cu mester pensa riba un Aruba sin refineria

by Admin
0 comment 52 views

Parlamentario Mervin Wyatt Ras durante conferencia di partido AVP diahuebs ultimo a keda altamente sorprendi riba pregunta di miembro di prens, riba declaracion di un miembro di sindicato riba futuro di e refineria.
Minister Glenbert Croes den reunion cu representantenan di un sindicato, lo a informa riba e hecho cu mester cuminsa pensa riba un Aruba sin refineria, cu sin duda ta un sorpresa grandi mirando e rol cu e propio Minister a hunga durante di tur e proceso di negociacion cu a tuma luga pa logra haya un compania interesa pa habri e refineria.
Parlamentario Wyatt Ras a mustra cu ainda Parlamento no a wordo informa riba e asuntonan aki y cu ainda Gobierno no ta dunando informacion riba kico ta wordo haci den henter e situacion cu a presenta.
Por corda cu ta propio Minister Glenbert Croes na varios ocasion na momento cu un delegacion di Gabinete Mike Eman II tabata hibando deliberacionnan na tanto Houston, Hulanda y Venezuela, constantemente Minister Glenbert Croes tabata duna informacion cu su persona tabata reuni cu oficialnan di PDVSA y gobierno Venezolano pa logra reapertura di e refineria.
Tambe por corda cu ora a yega na un acuerdo riba esaki, un delegacion grandi di partido MEP, encabesa pa lider di e partido, Evelyne Wever Croes, a bay aeropuerto pa ricibi Minister Croes cu gran fanfaria pa su gran logro na Venezuela.
Den e contexto aki, di tur e desaroyonan aki cu a tuma luga, Parlamentario Mervin Wyatt Ras ta haya sumamente sorprendente cu net Minister Glenbert Croes ta haci e observacion aki, esta cu mester bay pensa riba un Aruba sin refineria.
Loke ta mas preocupante segun e miembro di fraccion di AVP, ta e hecho cu di parti di e actual gobierno di coalicion, no tin indicacion algun cu ta trahando, ta reuniendo of ta biahando pa exterior pa atende den un forma mas formal cu tanto ehecutivonan di CITGO na Merca y cu autoridadnan Mericano y Venezolano pero tambe cu gobierno Hulandes manera Gabinete Mike Eman II si a haci.
Sinembargo sra Wyatt Ras a sigui mustra cu e falta di iniciativa aki ta notabel den e prome 100 dianan di gobernacion di e actual gobierno, ya cu ainda no tin nada concreto riba kico ta e vision y maneho di e gobierno aki, no tin presupuesto y tur cos ta indica cu no tin algo ta wordo haci relaciona cu e situacion cu a presenta cu CITGO.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio