Home » MANIFESTACION CULTURAL RIBA PLAZA GILBERTO FRANÇOIS “BETICO” CROES TAWATA UN EXITO COMPLETO

MANIFESTACION CULTURAL RIBA PLAZA GILBERTO FRANÇOIS “BETICO” CROES TAWATA UN EXITO COMPLETO

by Admin
0 comment 64 views

Oranjestad – Aruba

17 di maart anochi, Aruba henter por a disfruta di un anochi cultural na Plaza Gilberto François “Betico” Croes. Ya den oranan hopi tempran di atardi, e publico a cuminsa yega pa disfruta na grandi un manifestacion cultural na unda realse ta wordo duna na nos artistanan local. E tentnan culinario, di benta di productonan artesanal a wordo basa netamente riba cuminda y articulonan Arubano dunando e sentimento patriotico riba e anochi prome cu celebracion di nos dia nacional.

E aña aki e manifestacion cultural a conta cu presencia di varios artista y gruponan di baile local. Algo di admira ta cu especialmente a duna tarima na e ganadornan di e festival di canto y poesia durante di e luna di celebracion di nos dia nacional.

Por a nota precencia di mandatarionan di Corsou, Boneiro y Aruba como tambe hopi invitado cu a gosa di e anochi aki.

Bunita tawata cu e atencion a wordo poni riba nos cultura y nos idioma Papiamento. Minister di Finansa, Economia y Cultura e anochi aki a duna un discurso hopi motivador na unda el a haci un apelacion na e pueblo di Aruba pa nos sigui engrandece nos cultura.

Un anochi di exito completo na unda tur presente por a gosa di cuminsamento te final di un bon programacion dedica na nos Himno y Bandera.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio