74
Pos Chikito – Diasabra algo pasa di 2’or di marduga, polis a bay pariba di Tele Aruba, pasando e bocht pa un accidente caminda un auto lo a drenta un cura di cas.
Na yegada polis ta topa cu un pick up Ford, cu a perde control bolter y cay bek ariba su wielnan den un cura di cas, e auto a kibra un gran parti di e cura di cas.
Den e auto tawata tin dos persona, despues di e impacto e ocupante a baha for di auto, a sak den otro y a perde conocimento. Mesora e agentenan na e sitio a pidi pa presencia di ambulance. Tambe nan a mira cu e chauffeur di e pickup tawata bou influencia y ela wordo hiba cu transportwagen di polis pa warda di Santa Cruz pa haci test di alcohol.
Despues cu personal di ambulance a trata e ocupante na e sitio, nan a transporte pa hospitaal.