Home » Trahadornan di Parke Nacional kier pa e directiva wordo retira

Trahadornan di Parke Nacional kier pa e directiva wordo retira

by Admin
0 comment 60 views

Parke Nacional Arikok: Diamars mainta, e trahadornan malcontento di Parke Arikok un biaha mas a dicidi di pone trabou abou, pa e desconfiansa cu nan tin den e directiva actual. Segun Magaly Brito di Sepa, e trahadornan ta mirando hopi cos ta sosodiendo den cual nan no ta na altura.

Un di e reclamonan hopi fuerte di parti e trahadornan ta, cu antes e trahadornan tawata ricibi tur informacion di e desaroyonan den parke, con cos ta bayendo etc, esaki tabata sosode mediante un reunion general.

E gerencia actual a dicidi cu nan no ta bay duna e trahadornan e tipo di informacionnan aki mas y esaki sigur a causa e desconfiansa, cu a escala na e momentonan aki.

Segun Brito, e trahadornan ta tumando nota di diferente cambio di den e statuut di parke y a base di esey nan tin diferente preocupacion.
E trahadornan a dicidi cu nan no kier sigui cu e gerencia actual y ta pidi pa e directiva wordo retira.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio