Segun ‘World Health Organisation’ e falta di activdad fisico y come saludabel ta factornan di riesgo grandi pa obtene un di e enfermedad cronico no trasmitibel.
10-16% di cancer di pecho, cancer di intestino y diabetes y 22% di tur enfermedad iskemico di curason rond di mundo ta debi na falta di actividad fisico.
Segun e health monitor 15.1% di e arubano entre 25-65 aña ta categorisa den riesgo halto te extremadamente halto door di obesidad.
E prioridad di e gobierno aki ta pa pone e hende central. Como Minister di Salud y Deporte mi vision ta “hasi nos poblacion uno mas saludabel”. Un nutricion balansa y movecion ta cardinal pa logra e meta aki. Un di e maneranan pa yega mas serka di nos hendenan ta por medio di e Centro di Barionan. Pa e motibo aki Minister di Salud y Deporte ta duna tur su cooperacion por medio di programmanan di nutricion y actividad fisico den e projecto “Ban Cultiva”.
E programma aki cu lo wordo ehecuta den diferente barionan riba diasabra entre 3.00 pm- 09.00 pm. Durante e orarionan aki lo tin diferente actividadnan relationa cu diferente topiconan di importancia pa nos hendenan.
Pa cu e Ministerio di Salud y Deporte lo tin programmanan interactivo cu lo enfoca riba nutricion. Durante e programma aki famianan lo por sera conoci riba un forma atractivo y interactivo kiko nutricion saludabel ta encera. Un ehempel ta un programma manera “sinja lesa etiketa di cuminda”.
Riba terreneo di actividad fisico lo tin diferente actividadnan di movecion divertido especialmente pa nos muchanan y hobennan entre 9-12 anja di edad.
Tambe e BUS di SALUD lo ta presente pa midi suku, presion y cholesterol di esnan presente. Nos lo bay tin un Praktijk Ondersteuner Huisarts (POH) presente cual ta specialisa riba e terreno di diabetes y malesanan cronico/ cardiovasculairr Na momento cu detecta irregularidad den e datonan lo actua debidamente riba esaki.
E programma aki ta comienso di e diferente programanan den e plan di prevention di Ministerio di Toerismo, Salud y Deporte.
Minister di Toerismo, Salud y Deporte ta brinda tur su cooperacion na Minister di Asuntonan Social y Labor