ORANJESTAD, Aruba – Despues di a cera un partnership cu Comite Olimpico Arubano (COA) pa muchanan por conoce atletanan. Den luna di Juni lo sigui cu e di 3 “Aruba Bank Sport Clinic”, cual lo ta di tennis di mesa, esta pingpong.
Ching Ho Chung y Mikayla Mathilda ta e 2 atletanan cu lo ta dunando e sport clinic di tennis di mesa. E evento aki lo tuma luga dia 9 di Juni proximo, for di 10or di mainta pa 1’or di atardi na Sporthal Betico Croes. Durante e sport clinic e muchanan lo haya diferente informacion di tennis di mesa, unda cu nan lo siña tecnicanan con pa haci e deporte miho. Despues di e sport clinic e muchanan lo ricibi un certificado, treat saludabel y pin di COA, pero tambe nan lo tin oportunidad di saca potret y haci pregunta na ambos atleta.
Pa por participa den e sport clinic di dia 9 di Juni proximo, mayornan mester registra aki bit.ly/2rgGfv1 pa asina por reserva un luga pa nan yiu(nan). Aruba Bank ta invita mayornan pa inscribi nan yiu(nan) pa asina nan haya sa mas over tennis di mesa.