Tumando decision cu seriedad riba nos finansa publico
ORANJESTAD – Diabierna ultimo Gobierno di Aruba a tuma despedida di señora Sybilla Dekker y señor Robert Croes kendenan a forma parti di e colegio di supervicion financiero di Aruba, CAFT.
Señora Dekker a expresa su gratitud na Minister Presidente señora mr. Evelyn Wever-Croes y Minister di Finansa, Asuntonan Economico y Cultura señora mr. Xiomara Ruiz-Maduro pa e manera cu e tempo ey caba for di oposicion como Parlamentario a trata cu seriedad e tema financiero di nos Pais y awor den funcion como Minister Presidente y Minister di Finansa, Asuntonan Economico y Cultura ta tuma decicion y ta dal stapnan concreto pa Aruba por recobra su credibilidad financiero y logra yega na un finansa publico manehabel y sostenibel manera cualkier Pais respeta lo haci.
Minister Xiomara Ruiz-Maduro a enfatisa cu e hecho cu Aruba ta conoce pa prome biaha un Gobierno lidera pa e ser femino como Minister President y Minister di Finansa ta gosa di e apoyo y respet di señora Dekker kende a fungi tambe como Minister encarga cu Vivienda, Planificacion Urbano y Medio Ambiente na Hulanda.
“Gobierno di Aruba di su banda a gradici señora Dekker pa e bon cooperacion y e bunita palabranan di sosten y a felicita señora Dekker kende cu riba e mesun dia aki a keda nombra como Minister van Staat pa nos Rey su Mahestad Willem Alexander”.
E esfuerso y trabao serio di e Gobierno actual ta bisto pa un y tur y cada dia ta haya mas reconocimento. Entrante prome di augustus, CAFT lo tin dos miembro nobo, E persona kende lo reemplasa señor Croes lo wordo anuncia pronto.