110
Pos Abou – Dialuna pa 4’or y 37 di marduga, informacion a drenta cu e señora cu a wordo maltrata door di su pareha a fayece.
Di parti famia nos a ricibi informacion cu ta trata di Anushka Tromp di 47 aña.
Manera nos a trece anteriormente, e señora lo a ricibi golpi of golpinan pisa na cabes door e homber Roy Croes di 53 aña.
Ora cu e amiga a yega Eerste Hulp, den e momento ey e homber tabata na cas di e famia sinta riba cura haciendo manera nada un pasa of manera e no sa nada unda e dama ta.
Ora cu un yamada a drenta cu e dama ta hopi malo den Hospital, e abusador a subi den auto cu e famia y bay cu nan Hospital, manera e no sa di nada.
Na hospital ora e abusador a scucha cu e dama a papia cu ta e a maltrat’e, mesora ela bandona poli na pia.
Segun famia e maltrato lo a sosode den oranan di Diadomingo di mainta caba, pero e victima lo no a kier a bisa nada.
Atardi ora cu elo no por a wanta mas, e victima a contact su mihor amiga, cu a presenta y a hibe polie.