Home » Pa prome biaha ta forma parti di instancia internacional WABA Hospital cu enfasis riba  importancia di lechi materno

Pa prome biaha ta forma parti di instancia internacional WABA Hospital cu enfasis riba  importancia di lechi materno

by Admin
0 comment 73 views

 

 

ORANJESTAD, Aruba – Dr. Horacio E. Oduber Hospital a celebra siman di lechi materno  y den cuadro di esaki Departamento di Maternidad a organisa diferente actividad cu informacion importante pe nursenan. Desde e aña aki Hospital ta forma parti di World Alliance for Breastfeeding Action (WABA), unda hunto cu e instancia aki lo sigui informa e mamanan mas over di e bentaha y importancia di lechi materno.

 

WABA ta un instancia internacional cu ta traha hunto cu World Health Organization (WHO) y UNICEF, asina Jelka Gumbs, obstetrie verpleegkundige na Departamento di Maternidad, a duna di conoce. E instancianan aki tin como meta pa tin un sociedad saludabel, y nan ta haci esaki pa medio di promove dunamento di lechi materno.

 

Anualmente Departamento di Maternidad ta duna importancia na Siman di Lechi materno y e  aña aki a haci algo un tiki mas special, mirando cu awo nan ta afilia na e instancia WABA. E aña aki 154 pais cu ta afilia na WABA a participa den esaki y hospital ta orguyoso cu Aruba pa ta un isla chikito ta entre e paisnan aki.

 

Francine Franca, verpleegkunde na Departamento di Maternidad, a duna di conoce cu durante henter e siman a tene diferente actividad y alabes tres presentacion. E presentacionnan a ser haci pa Marlene Giel, lactatiekundige cu a toca e tema di  leynan laboral pa cu dunamento di lechi materno. Partera Stephanie Daal a papia tocante e “10 vuistregels”, mientras cu nurse Franca a duna presentacion di desaroyonan nobo cu lo bay tin riba lechi materno.

 

Un siman sumamente exitoso na unda e nursenan y empleado di hospital a conoce mas tocante e importancia di lechi materno y sin lubida pashentnan cu tambe a celebra e siman aki cu Hospital. Departamento di Maternidad ta desea di gradici Visser Trading, Medela, Nature Discount y Johnson & Johnson pa nan sosten pa por a haci posibel e celebracion di siman di lechi materno 2018.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio