Home » Parlamentario Alan Howell Hisa prijs di awa y coriente ta “out of the question”

Parlamentario Alan Howell Hisa prijs di awa y coriente ta “out of the question”

by Admin
0 comment 54 views

 

 

Parlamentario Alan Howell ta vigilando di cerca e desaroyo entre WEB y ASTEC. Howell kier pone algun punto hopi cla y raspa. Si ASTEC y trahadornan riba waf tin molester di  e huma y sulfur di WEB, esaki ta un situacion cu nan mester resove entre nan mes. E situacion aki no por bira un problema di henter nos pueblo y mucho menos pa bay a costo di pueblo.

Alan Howell ta indica cu nos tur por compronde y sa cu salud di hende no ta cos di haci wega cu ne. Pesey mes ta bon pa ASTEC y WEB resolve e problema entre nan, pero hisa awa y coriente pa e motibo aki si no por y no ta aceptabel. “Pueblo no tin lugar pa mas sla. Pueblo a haya y wanta basta sla caba pa via di mal gobernacion di gobierno anterior poniendo cu pueblo mester absorve un aumento di belasting di 2.5 % . Mi ta sostene e ponencia duro duro di Minister President Sra. Evelyn Wever Croes cu a bisa cu  ‘no ta papia di un subida di prijs di awa y coriente, mas bien nos kier papia di un rebaho di prijs di awa y coriente’”.

Tanten cu Minister President para duro na fabor di pueblo, e prome mandatario por conta cu sosten di parlamentario Howell. “Pueblo lo por conta cu mi cu mi lo sigui loer e proceso aki di cerca”.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio