Home » Minister Dangui Oduber ta anuncia proyectonan importante pa San Nicolas!

Minister Dangui Oduber ta anuncia proyectonan importante pa San Nicolas!

by Admin
0 comment 63 views

 

Diahuebs mainta Minister di Turismo, Salubridad Publico y Deporte Sr. Dangui Oduber a bishita e area di Baby Beach y Rogers Beach unda tin hopi planes pa ehecuta den e areanan aki. E districto di San Nicolas tambe lo haya su debido atencion di parti di gobierno segun e mandatario.

Baby Beach

Pa loke ta Baby Beach caminda Lone Palm Stadium ta situa, esaki lo haya un embeyesemento. Lo bin cu area di parkeerplaats, facilidadnan di bañonan, tambe ta buscando inversionistanan pa inverti den un restaurant/café. Caminda antes tabata e tennis court nan tambe lo bin un diseño moderno y completamente nobo pa crea un facilidad multi-functional cu por wordo usa pa muchanan, hobennan y deportistanan. Lo elimina e 4 canchanan bieu di tennis y na su lugar lo pone un cancha di beach tennis, un cancha di volley ball, un cancha di basketball y un cancha di tennis completamente nobo. Tambe lo pone un facilidad caminda lo bin un persona pa cuida y mantene tur e facilidadnan menciona.

Rogers Beach

Rodgers Beach tambe lo conoce desaroyo, aki lo drecha e piernan completamente pa localnan, turistanan y nos piscadornan por haci uso di esaki. Mescos cu na Baby Beach, Rogers Beach tambe lo haya facilidadnan di bañonan. Lo bay construi kioskonan caminda lo bende refreshments y cuminda pa e localnan y turistanan.

Minister Oduber a duna di conoce cu tin un proyecto hotelero tambe den pipeline pa e area aki cu pronto tambe lo wordo anuncia, kiermen ta henter un desaroyo hopi bunita pa e area aki di San Nicolas. E proyecto di Baby Beach y Rodgers Beach lo wordo cubri cu entre otro fondo nan di A.T.A., T.P.E.F. y infrastructura.

Despues di 8 aña e districto di San Nicolas lo bolbe haya su debido atencion, e gobierno aki tin hopi planes pa San Nicolas y Aruba. E plannan aki no lo keda na plan pero lo bira realidad segun Minister Oduber.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio