Home » Rotaract Club of Aruba colaborando cu Filomena College MAVO pa motiva studiantenan den examenklas

Rotaract Club of Aruba colaborando cu Filomena College MAVO pa motiva studiantenan den examenklas

by Admin
0 comment 75 views

 

 

Oranjestad- Pa di 4 aña caba e miembro y boluntarionan di  Rotaract Club of Aruba ta organisa diferente sessionnan durante aña escolar  pa e examenkandidaten di Filomena College MAVO. Esaki ta un proyecto specialmente dirigi na motiva e studiantenan y duna nan tips valioso cu nan por haci uso di dje den examenjaar como den transcurso di nan estudio.

 

E aña aki e club a organisa e prome sesion den comienso di september unda a introduci e proyecto na e studiantenan, a parti un back-to-school pakket como motivacion y a invita dos Rotarians di Rotary Club of Aruba  cu por a bin conta un tiki con nan a “survive” nan examen jaar y alaves con nan a sigui despues di esaki y yega unda nan ta awe como professional.

 

Banda di a parti e regalitonan na cada studiante, Rotaract Club of Aruba a invita Rotarian America Barios, cu porsierto tabata presidente di Rotaract Club of Aruba den pasado, pa asina bin elabora riba con e la experencia examenjaar y con e la e scohe su funcion actual di ta abogado. Hunto cu America a invita Rotario Walter Mosher cu tambe a splica con e la pasa su examenjaar y tur e retonan cu a bin cune y su ruta pa bira un bankero. Hopi studiante por a relata cu Walter mirando cu hopi ta mira e vak Nederlands como uno cu nan tin mas dificultad cune. Presidente actual di Rotaract Club of Aruba Ryon Dijkhoff tambe a elabora y duna tips practico y realistico pa cu su MAVO examenjaar y con e tambe a sigui su estudio y su carera como un auditor pa asina motiva e studiantenan di MAVO pa sigui bai dilanti y traha duro cu un vision y meta cu sigur lo ta na nan alcanse.

 

Rotaract Club of Aruba ta contento di tende cu e studiantenan ta entusiasma pa logra slaag y ja a cuminsa cu e preparacion pa sierto vaknan. Durante aña escolar lo bai organisa dos otro sesion mas pa asina yuda guia e studiantenan den e trayectoria aki.

 

Un danki sigur lo mester bai na e miembro y boluntarionan cu ta dedica nan tempo na e proyecto aki, como tambe e maestronan di Filomena College cu ta yuda Rotaract. No por keda di gradici Rotarians America y Walter pa a tuma e tempo for di nan dia pa bin conta nan storia y asina yuda motiva e studiantenan.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio