Tanki Leendert – Diasabra marduga pa mas o menos 1:15 a.m, polis a wordo pidi na un Café situa na Rococo Plaza. E motibo tawata cu un chauffeur cu mester stuur un bus kier a haci esaki estando bou influencia.
Su pareha a papia cune, pero e homber aki basta bebi y onbeschoft no kier a rasona.
No keda e dama nada otro pa notifica polis, prome cu cos bay completamente for di man.
Den algun minuut a yega dos patruya, y mesora nan por a ripara cu e homber tawata hopi burachi y fastioso.
A trata na papia tur manera cu e homber, pero pa un of otro motibo e no kier rasona. Su yiu homber tambe a yega pa yuda, pero sin resultado.
No a keda e agentenan nada otro pa pone den boei y hibe warda di Shaba pa e por bay drumi y no causa problema pa su mes of otro hende.