Parlamentario Endy Croes sumamente indigna na e manera cu Mama Hulanda ta actuando contra Aruba. Mike Eman y AVP a redobla e debe di e pais aki y a percura pa e Mega Debe. Cifranan di entre otro Banco Central ta mustra esaki hopi cla. Mike Eman y AVP a desgracia e pida baranca aki. Mas tristo ta cu momento cu Hulanda a ripara cu AVP no tin paracion y ta keda presta placa sin fin cu deficitnan rond di 400 miyon pa cada aña nan a cay aden y a bin cu un protocol di 2 di Mei 2015 cual a traduci su mes den un ley di LAFT cu normanan di deficit pa cu presupuestonan di Pais Aruba. Cu e supervision di Hulanda e debe a sigui aumenta y Mike Eman y AVP a usa “boekhoudkundige trucjes” manera kwijtschelding di 60.5 MIYON di SVB pa cu boedelscheiding y un otro 102.3 MIYON di SVB y asina purba logra e normanan estableci. Parlamentario Croes ta splica cu e manera cu Mike Eman a redobla e debe di pais a costa cu e interes cu Aruba mester paga riba prestamonan haci pa AVP a alcansa e aña aki 219 MIYON pa aña cual ta mas cu 600 mil pa cada dia cu bo habri bo wowonan ora bo lanta for di cama. Pa 2019 esaki lo alcansa 230 MIYON promer cu e cuminsa baha bek. Tur e desaster aki a pasa bao di Supervision di Hulanda esta CAFT, tanto Bakker como Gradus. Mas tristo ta cu Hulanda awor kier hunga di “ijzeren Jantje” y no ta brinda Aruba e posibilidad pa haña un zachte lening, esta prestamo na un interes mas abao. Corsou y St Maarten si pa gozando di esaki. Asina mal Mama parlamentario Endy Croes ta considera Hulanda. Nos no ta pidi placa pero comprension pa e desaster cu Hulanda mes a yuda causa. Si haña un zachte lening por cuminsa per direct scapa miyones. Supongamos enbes di paga 230 miyon den 2019 na interes esaki baha kisas pa 150 miyon. Nos ta papia di 80 MIYON florin cu por wordo inverti den school, caretera, husticia y social pa nombra un paar. Parlamentario Endy Croes ta evaluando pa cuminsa informa instancianan internacional di e practica discriminatorio di Hulanda unda deliberadamente ta pone un pueblo sufri. Esaki ta e tristo berdad amargo cu nos ta bibando aden na 2018. Danki Mama Hulanda. Masha Danki pero e no lo keda te akinan.