Home » Charla : Haya sa mas di Diabetes

Charla : Haya sa mas di Diabetes

by Admin
0 comment 75 views

Diaranson anochi Aruba One Happy Island Lions club a organisa un tremendo charla over di e topico Diabetes na MFA Santa Cruz. Aki nos a invita Dr. Dellanire Maduro pa duna informacion valioso tocante e malesa Diabetes cu ya poco poco ta birando un epidemia mundial.

Hopi informacion no solamente over di tratamento pero tambe prevencion. Come saludable, haci ejercicio regularmente, haci controlnan regular na bo dokter di cas. Esaki nan sigur lo yuda preveni of trata diabetes. Na Aruba 16.2% di nos poblacion ta sufri di Diabetes mientras e porcentahe mundial ta di 8.3 %. Esaki debi primordialmente na e hecho cu Aruba ta e pais den Caribe cu mas hopi habitante cu sobrepeso.

Aruba One Happy Island Lions Club kier a gradici Dr. Dellanire Maduro pa su tremendo charla. Un danki tambe na tur esnan cu a tuma tempo pa bin scucha y haya informacion riba e topico importante aki.

Na comunidad di Aruba cu awe no por tabata presente keda pendiente pa e siguiente proyectonan cu Aruba One Happy Island Lions Club lo bin cune den futuro cercano.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio