ORANJESTAD, Aruba – Awe Aruba Bank a lansa su Aruba Bank Mastercard DEBIT cu Maestro, cu ta laga e cliente haci compras na un manera simpel, facil y sigur. E tarheta ‘hybrid” nobo aki ta e unico den e forma aki na Aruba y unico den e region. E tarheta ta permiti Bo haci transaccionnan di Mastercard Debit como tambe transaccionnan di Maestro.
Di acuerdo cu Director Ehecutivo na Aruba Bank cu ta dirigi Card Center, esta Gina Habibe-Arendsz: ‘Nos enfoke ta riba loke e cliente ta desea y e motivacion necesario pa introduci e tarheta aki riba mercado. Nos clientenan awor por haci compras online, cu ta un bentaha competitivo.”
“E consumidor di awendia ta mas ocupa cu nunca y den un mundo cada dia mas digitalisa, e usuario di tarheta ta cumpra mas y mas online, “ segun Mateo Lleras, Account Management na Mastercard. “Cu e tarheta aki clientenan di Aruba Bank lo por paga pa loke nan ta desea cu e siguridad cu nan ta exigi.”
E tarheta nobo ta laga e cliente di Aruba Bank haci compras online. E carchi ta acepta mundialmente unda tin e logo di Mastercard, Cirrus of Meastro. Clientenan cu ta uza un tarheta di debito di Aruba Bank lo ricibi e tarheta nobo Aruba Bank Mastercard DEBIT cu Maestro entre luna di Maart te cu Mei 2019.
Highlights:
- Shop online cu e opcion di Mastercard DEBIT
- Disfruta di uzo rond mundo unda cu bo wak e logo di Mastercard, Cirrus of Maestro
- Clientenan cu ta uza un tarheta di debito di Aruba Bank lo ricibi e tarheta nobo Aruba Bank Mastercard DEBIT cu Maestro durante e proximo lunanan. Bo PIN y termino di uzo lo keda mescos
- Activa e tarheta door di uze na un POS of ATM di Aruba Bank
Director General di Aruba Bank, Sharon Fränkel- De Cuba: “Nos ta contento di por ofrece e tarheta nobo Aruba Bank Mastercard DEBIT cu Maestro na nos clientenan, cu nan por uza pa paga pa nan compras den un forma facil, simpel y mas sigur. Esaki ta un iniciativa mas pa mehora e experiencia di e cliente atraves di innovacion”.
Mayoria di e comerciantenan na Aruba ta acepta e tarheta innovativo. Aruba Bank ta trahando di cerca cu otro institucionnan pa asina logra e aceptacion di pago na tur comerciante local, a corto plazo. Den caso cu tin interes pa acepta e tarheta nobo di Aruba Bank por yama 297-527-7912.
Pa mas informacion por bishita nos website https://arubabank.com/campaigns/debit-card of yama nos Contact Center na 527-7777 pa asistencia personal.