Home » Aruba Juniors a celebra Dia di Himno y Bandera grandemente  ! Cu homenage y torneo di softball Internacional manera ta tradicion.

Aruba Juniors a celebra Dia di Himno y Bandera grandemente  ! Cu homenage y torneo di softball Internacional manera ta tradicion.

by Admin
0 comment 58 views

 

Durante di fin di siman di celebracion di Dia di Himno y Bandera a tuma lugar na Club Aruba Juniors e torneo tradicional internacional di softball. E highlight di fin di siman tabata dialuna 18 di maart ora cu a hunga e weganan final di liga 50 y 60, a homenagea deportista  y dirigente.

Durante di un ceremonia cu famia amigo y deportistanan e Team Jaws di Curacao a reconoce Sr. Ivan Schoobaar miho conoci como “Kid Bocachica”. Schoobaar a ricibi un plakaat for di Presidente di Aruba Juniors Luis Tromp y e lider di su team di softball “Jaws” a gradici’e pa su 15 aña consecutivo di participacion na e torneo na Aruba.

Despues dirigentenan di Aruba Juniors Sr. Emile Herde secretario y Luis Tromp presidente a homenagea Sr. Chago Hernandez y Sr. Amado Rosina pa nan dedicacion na e club y deporte en particular. Chago Hernandez specificamente pa su contribucion y esfuerzo na Aruba Juniors pa lanta teamnan di baseball Little League. Amado Rosina pa su dedicacion di 15 aña consecutivo como dirigente den directiva di Federacion Liga Mayor di Softball Arubano FLMSA.

E weganan a bay den super bon ambiente cu un publico grandi cu a presencia e finalnan di liga 50 y 60. E final di Liga 60 a bay entre Jaws di Curacao y Aruba Juniors den cual Aruba Juniors un biaha mas a titula Campeon. Pa loke ta e final di Liga 50, den un wega super emocionante cu e dos grandinan di e liga batayando fuertemente, e ekipo di Surprise ta domina e ekipo di Survival y ta bira Campeon. Den un ambiente ameno y festivo a haci entrega di e respectivo trofeonan y e celebracion a continua te cu 8or di anochi cu entretenimiento di Zeta Band.

Aruba Juniors ta mira atras na un fin di siman di celebracion exitoso y ta yama tur cu a participa danki. No por keda sin menciona cu e torneo nacional di softball ta continua y lo termina  dia 14 di april. Amantenan di softball ta mas cu bon bini na Aruba Juniors den fin di siman pa presencia e weganan cu lo keda hunga. 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio