Johan de Wittstraat – Diasabra anochi polis a bay pura den e caya situa tegenover di supermercado Feng Da, cu ta Johan de Wittstraat.
Den e caya a sosode un caso di destruccion na un auto. E problema a start a momento cu un chauffeur a staciona su auto den entreda di un cas.
Momento cu polis tawata na e adres atendiendo cu e problema, tension a bay halto.
Segun e doño di e cas e no a lo kibra e glas y segun e doño di e auto ela mira e doño kibra e glas. Mas cu claro si un persona kibra bo glas di auto bo lo rabia, y exactmente esaki a pasa.
Na final e doño di e cas lo a expresa, si e para e auto eynan un biaha mas e lo bolbe kibra e glas. Dilanti di e agentenan ela cera e porta y bay paden.
Pues awor e doño di e auto mester core cu su glas di auto kibra y mester bay recherche pa haci un denuncia contra e homber.
Por yega asina leu cu e caso lo mester bay dilanti si e homber di e cas keda nenga cu e a kibra e glas.
Pa awor ta mustra cu e doño di e auto mes lo mester bay drecha su bentana di auto.