Home » Grandi y chikito riba caminda pa e comienso di Aruba Bank Walk & Run 2019

Grandi y chikito riba caminda pa e comienso di Aruba Bank Walk & Run 2019

by Admin
0 comment 71 views

ORANJESTAD, Aruba: Despues cu nos a anuncia e fechanan di Aruba Bank su di 15 edicion di Walk & Run, hopi ta esunnan cu a cuminsa entrena pa e evento di 4 dia aki. Dia 21 di Mei a tuma luga e prome dia di e famoso Walk and Run 2019. Esaki a cuminsa exitosamente cu un participacion grandi di personan coriendo y canando riba e ruta na San Nicolas.

E salida tawata na Joe Laveist Sport Park, San Nicolas y e ruta tabata druk desde trempan, cu participantenan bayendo ariba pa participa den Aruba Bank Walk and Run 2019. Pa 6:30pm en punto e participantenan a cuminsa core y cana e distancia di 5.5KM. Despues di e salida e participantenan a pasa den Weg Fontein – Diamantbergweg- Juwana Mortostraat – Nijhofstraat – Dr. Schaepmanstraat – Pastoor Hendrickstraat y a termina bek na Joe Laveist Sport Park.

E participantenan tabata feliz di a completa e prome dia y tabata ansioso pa participa den e proximo 3 dianan. Manera añanan anterior, participantenan mes a bay cu nan boter cu nan a ricibi den nan goody bag y pa esaki Aruba Bank ta orguyoso di mira cu hendenan ta mantene e evento plastic free.

E di dos dia ta na St. Cruz cuminsando tambe pa 6:30PM. E salida ta di Colegio Laura Wernet Paskel – Kadushi Largo – Cas Ariba – pasa dilanti Supermercao Shun Li – Sabanilla Abao – bek pa Colegio Laura Wernet Paskel. E di tres dia ta na Paradera, saliendo for di Aruba Bank ATM Park – lora banda di Bright Bakery – Hooiberg – Pavilla – Rooi Afo – Aruba Bank ATM Park. E ultimo dia e lo cuminsa na Aruba Bank Hato – Cunucu Abao – Bubali – Shaba – Tanki Flip – Aruba Bank Hato.

Aruba Bank ta recorda tur hende pa bisti keds confortabel, keda hidrata y trece bo boter di awa. Download e Walk & Run App pa ricibi resultadonan live, pero tambe pa sigui bo participantenan preferi. Tambe por car- pool pa asina alivia e trafico durante e siguiente dianan. Danki pa participa na e di 15 edicion di Aruba Bank Walk & Run 2019.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio