Weg Kustbatterij, San Nicolas: Dialuna den careda di 8’or y mey di mainta, ta drenta un informacion cu den un area bandona na Weg Kustbatterij tin un auto laga atras, mesora a manda un patruya na e sitio.
Na yegada enberdad nan ta topa cu un pickup Nissan double cabina, color shinishi sin plaachi number.
Na momento cu e agentenan policial a bay mira den e auto, nan por a constata cu e auto mester ta procedente di ladronica, nan a mira cu e parti patras di e stuurwiel tabata full destrui, e starter tabata kibra y e wayanan na e stuurwiel tabata los, esaki lo a wordo haci pa por start e auto y horta esaki.
No ta conoci si e auto aki lo por a wordo usa pa comete cualke delito of nan a djes horta e pickup pa usa esaki como medio di transporte di un lugar pa otro, cu ora nan a yega nan destino, nan a lague ey nan.