ORANJESTAD, Aruba – Aruba Bank a celebra un Experiencia Superior cu su clientenan. Dialuna Banco Central a distribui e serie nobo di biyetenan di florin 2019 na tur banco comercial, pa start uzo di e diseñonan nobo desde 3 di Juni pa publico. Aruba Bank, tabata un di e prome banconan cu a procesa e placa di papel nobo aki den nan sistema di caheronan y den nan ATM nan y diamars mainta caba a sorprende 5 cliente cu e biyetenan nobo.
A sorprende clientenan na Aruba Bank Camacuri cu placa cash. E clientenan cu tabata di bishita den banco a ricibi e biyetenan nobo di 10, 25, 50, 100 y hasta 200 florin. E clientenan tabata contento di a ricibi e biyetenan nobo aki pa por cuminsa haci uzo di nan.
Aruba Bank ta contento di semper duna bek na comunidad.