Home » Pikiendo sushi y planta mata ta mustra e importancia di cuida Aruba Huespednan y empleadonan di Riu Palace Aruba a bini hunto pa Dia di Medio Ambiente

Pikiendo sushi y planta mata ta mustra e importancia di cuida Aruba

Huespednan y empleadonan di Riu Palace Aruba a bini hunto pa Dia di Medio Ambiente

by Admin
0 comment 46 views

ORANJESTAD, Aruba – 6 di Juni 2019: Dia 5 di Juni 2019 tabata Dia di Medio Ambiente y en conexion di esaki Riu Palace Aruba a organisa diferente actividad pa su huespednan y empleadonan. Riu Palace Aruba a planta mata y actividad di limpiesa.

Gerencia di Riu Palace Aruba a planta 2 mata di druif banda di beach y a haci esaki dilanti e huespednan. E huespednan tabata contento di a mira con e plantacion di mata, pero tambe a yuda pone e gordura na e matanan.

Den RiuLand, e muchanan a pasa un rato agradabel cu e mascota di Riu Palace Aruba, esta Calú, y a planta diferente mata. Mayornan tabata contento di a mira con nan yiunan a participa den e evento di eco-friendly hunto cu e team di entretenimento di RiuLand. Cada mucha a pone nan nomber na e mata cu nan a planta como recuerdo di a contribiu na e cuido di medio ambiente.

Pa sigui conscientisa e dia di medio ambiente y pa cuida esaki un team di empleado como huespednan a bay hunto na Bird Sanctuary pa haci esaki limpi. Hunto a piki hopi sushi pa asina yuda mantene e area limpi p’e diferente parhanan cu ta bishita e area aki.

Den oranan di anochi gerencia a paga e luznan di Riu Palace Aruba. A paga e luznan pa 2 ora sosteniendo medio ambiente. Gerencia di Riu Palace Aruba ta gradici cada empleado y huesped cu a yuda na planta e matanan y haci Bird Sanctuary limpi.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio