Home » Aruba Bank a forma parti di eAruba Business Seminar 2019

Aruba Bank a forma parti di eAruba Business Seminar 2019

by Admin
0 comment 48 views

 

 

ORANJESTAD, Aruba – Diasabra ultimo a tuma luga e E-Aruba Business Seminar 2019. Pa di dos aña consecutivo, Aruba Bank, tabata un patrocinado principal di e-Aruba Business Seminar. E aña aki e enfoke tabata ariba topiconan manera Marketing Trends, Social Media, Innovation Digital Marketing, Entrepeneurship y mucho mas.

 

Durante e seminario, Aruba Bank a enfoca riba tur e benificionan cu eCommerce platform di Aruba Bank por brinda na diferente tipo di negoshi aki na Aruba. Tambe e benificionan cu e tarheta Aruba Bank Mastercard Debit cu Maestro ta brinda. Ta importante pa comerciantenan sa cu awor cu e introduccion di e tarheta aki, tin aproximadamente 40.000 cliente nobo cu e potencial pa haci compras online, 24/7/365.

 

Durante e seminario Aruba Bank a presenta 3 diferente video invitando e publico pa participa door di yena un quiz y tambe por a entrega un Pitch pa por participa pa gana diferente premio incluyendo un partnership cu Aruba Bank.

 

Ganadonan di e Facebook quiz a keda den persona di Laurisa Paskel y Gino Croes. Cada un ganado a ricibi un travel voucher. E Pitch mas innovativo a wordo presenta door di Francis Rodriguez di SFX Aruba, y el a gana un partnership pa por conecta su negoshi na e plataforma di eCommerce Aruba Bank.

 

Aruba Bank a aporta na e evento di Infinity Media Aruba, mirando e importancia pa trece e informacion referente e diferente topiconan na comerciantenan y startups.

 

Pa mas informacion di e servicio di eCommerce por bishita: https://www.arubabank.com/ecommerce y pa aplica pa e servicio aki por yena e formulario ariba e pagina aki.

 

Pa mas informacion di benificionan cu Aruba Bank Mastercard Debit por bishita: https://www.arubabank.com/campaigns/debit-card.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio