Oranjestad – 20 di juni 2019 – Aruba Bank a lansa su campaña di Cuenta di Studiante pa tur studiante di Aruba, sea e studiante lo continua cu su estudio den exterior, of si e lo continua cu su studio na Aruba mes. E Cuenta di Studiante ta ofrece e studiante hopi beneficio, entre otro e lo ricibi su propio Aruba Bank Mastercard Debit cu Maestro pa haci compras local, internacional y tambe Online 24/7/365, tambe e studiante lo tin acceso pa haci uso di e Aruba Bank App, y hopi mas.
Studiantenan por aplica awe mes pa un Cuenta di Studiante ONLINE y participa pa gana AWG 3,000,-. E aplicacion pa e campaña aki mester sosode ONLINE. Si bo mester di asistencia pa aplica online, por bishita e Aruba Bank Digital Lounge na e sucursal di HATO, Camacuri of San Nicolas, y un di e Digital Ambassadors lo ta contento pa atende e studiante pa por realisa su aplicacion.
Studiantenan cu tin un Cuenta di Studiante di Aruba Bank caba, tambe por participa na e campaña aki dor di referi un amigo of amiga pa habri un Cuenta di Studiante ONLINE. E studiante aplicando lo mester yena nomber di e studiante cu a referi, ariba e formulario ONLINE na momento di aplica pa e Cuenta di Studiante. Di e forma aki, un cliente existente di e Cuenta di Studiante di Aruba Bank tambe por partipa pa gana e premio.
E campaña aki ta valido pa aplicacionnan ricibi te cu 19 di juli 2019, y e ganador/a lo wordo anuncia durante e siman di 22 di juli 2019.
Pa mas informacion y pa aplica pa un Cuenta di Studiante, bishita Aruba Bank su pagina di web: www.arubabank.com/students-yes
- FIN –