Driemasterstraat – Diabierna atardi laat den careda di 6:30 algun persona tawata para ariba e skina di Driemasterstraat cu Venezuelastraat, gritando un persona den auto “No haci’e corda ariba bo yiunan”.
E persona den e Ford Ecosport lo tawata cu e glasnan cera y esnan rond tawata keda bati na e glasnan pa e bahanan.
A resulta cu e persona den e auto lo tawata tratando di pone fin na su bida, usando algo cu parse un faha.
Dado momento segun nos a compronde hendenan rond no sa si ta famia of hendenan den vecindario a logra kibra of habri un glas.
Mientrastano 911 a wordo avisa y na nan turno a avisa polis cu a yega basta lihe.
Pero den e algun minuut ey e situacion a cambia y e auto Ford Ecosport a bandona e sitio.
Na e sitio polis tawata core rond y tira bista pero nada. Un persona lo a informanan cu e persona sea su mes a bay Poli of ela wordo hiba Poli.
Polis a controla na Poli, pero niun hende a yega eynan.
Informacion cu a circula rond tawata bisa cu e den auto e chauffeur lo a wordo bisa algo of a haya sa algo cu a pone stop banda di caminda y trata na pone fin na su bida. Esaki tawata cerca di unda antes ta BarABar.