Oranjestad – E aña aki atrobe nos ta bay tin Bario Fest, caminda cu Ministerio di Asunto Social y Labor, Minister Glenbert Croes a uni forsa cu Fundacion Chico Harms y Centro di Bario Brazil pa realisa e Bario Fest Brazil riba 1 di September 2019, Dia di Brazil. Ya nos ta den ful swing pa e siguiente ‘Bario Fest’ cu actividad pa famia, tanto grandi y chikitonan.
Mirando e importancia di Baluartenan, personanan importante den un bario y nos comunidad. Nos ta bay nomina un biaha mas baluartenan di nos comunidad. P’esey bishita nos website www.specialprojectsaruba.org// y yena e formulario digital pa nomina bo baluarte pa e bario di Brazil. E por ta baluarte riba area di: Boluntario, Musica, Arte, Deporte y Cientifico.
Entrega e formulario aki bek via email: [email protected] prome cu e fecha di 16 di augustus 2019 pa nomina boso baluarte.
E ‘Bario Fest’ aki lo tin temanan di: 1. Arte, 2. Yerba medicinal y 3. Hardin. Cu ta pone enfasis riba cultivo di nos mesun productonan local. Enfatisando den duna balor y estimulo na nos hendenan, nos cultura y nos tera.
Special Projects Aruba ta un grupo di trabou insitui pa Minister Glenbert Croes pa lidera proyectonan inter ministerial.
Aña pasa a realisa 3 Bario Fest cu exito y na luna di mei a lansa e Proyecto di ‘Ban Cultiva’.
‘Ban Cultiva’ ta un Proyecto cu su meta principal pa aporta positivamente na e bienestar personal di cada un ciudadano na Aruba y crea union di traha hunto. Esaki specialmente dirigi riba nos muchanan y sin descarta nos grandinan.
E enfoke special riba dje cu cada Proyecto pa medio di educacion, informacion y/of creando condicion perfecto pa cu e desaroyo y bienestar personal.
Aña pasa a realisa ‘Ban Cultiva cu su 3 Bario Fest, esta na Centro di Bario Tanki Lender, Centro di Bario Savaneta y Cenro di Bario Dakota cu tabata un exito.
Desde awo bo por nomina bo baluarte pa Bario di Brazil y djis bishita nos website di www.specialprojectsaruba.org// y yena e formulario digital pa Baluarte y entrega bo nominado prome cu 16 di augustus 2019 via email [email protected]
Aruba sigui nos pa Dia di Brazil pa e siguiente ‘Bario Fest Brazil’ riba dia 1 di September 2019.