Mondi posiblemente cendi na candela dialuna mey anochi

Matividiri – Dialuna mey anochi den careda di 12:30 a.m Brandweer a wordo pidi na Matividiri, pa un candela di mondi.

Mirando cu e candela tawata cerca di un cas.

Na yegada di Brandweer mesora nan a baha y paga e pidi mondi cu tawata na candela.

Segun nos por a compronde cu e habitantenan di e percela lo no tawata na altura di un candela cerca di nan cas. Parse cu e biento posiblemente tawata hiba e holor y huma.

Habitantenan a comenta si cu un of mas dia prome a scucha algo den e mondi, pero no por bisa si e tin di haber cu e candela dialuna mey anochi.

Bomberonan a controla e area prome cu nan a bandona e luga, esaki tawata pa ta sigur cu no tin mas candela.