Un biaha mas Fast Delivery ta den luz negativo, e biaha aki, no ta pa ilegal, of problema cu trahador pero y tampoco pa tabata victima di atraco, pero e biaha aki Fiscal hunto cu un team di RST y Landsrecherche a haci un Entrada Hudicial na Fast Delivery den Rumbastraat.
Oranjestad: Diaranson for di oranan trempan di mainta autoridad local a cuminsa cu un entrada Hudicial, un team consistiendo di RST, K9 Unit, Landsrecherche y Ministerio Publico a drenta na cas di Ex Minister Benny Sevinger situa na Paradijswijk, actualmente parlamentario pa partido AVP, sigui pa un entrada hudicial na cas di Sra. Leoncita Arends di e station di radio, Canal 90, kende ta biba na Seroe Blanco. Despues a sigui na cas di Gaby Werleman na Piedra Plat, Sr. Werleman tabata un coordinador den e Gabinete anterior di AVP.
E acusacionnan tabata hopi serio, a acusanan di Witwassen, omkoping van Ambtenaar, Oplichting, Valsheid in geschrifte etc. Autoridad te na e momentonan aki no a haci niun detencion.
Despues Autoridad drenta den oficina di Benny Sevinger den Avenida Alo Tromp y den oranan di merdia autoridad a drenta na Fast Delivery Service den Rumbastraat. Durante e entradanan aki autoridad a confisca varios articulo manera cellular, documentonan, computernan, un safe y hopi mas.
No ta descarta e posibilidad cu lo bay haci mas entrada hudicial den e dianan venidero y tambe cu detencion lo por cay.