For di ayera, caba Hospital ta confrontando problemanan serio cu nan sistema computerisa. E sistema actualmente ta completamente down.
Un Hacker a drenta den e netwerk di hospital y e ta exigiendo placa, esaki den forma di Bitcoin, cual nos a compronde convertiendo e lo bira un suma equivalente na 250 mil dollar, sino paga esaki, e Hacker ta menasa di bay saca tur datos di tur pashent y lo spaart nan rond riba internet. Pa casualidad algun tempo atras hospital a digitalisa tur datos di pashentnan.
Investigacionnan ta andando y aki ta trata di un persona cu no ta di Aruba, dus di exterior. Tur trahadornan a wordo pidi pa no restart niun computer y ni cellular cu ta pertenese na hospital.
Full e sistema di hospital ta down y no ta funcionando actualmente, a wordo bisa cu esaki lo por dura 2 siman pa keda cla, pero no ta sigur, e caso aki ta hopi serio.
Hospital ta ariba bou, reunionnan ta andando y a reuni cu Minister caba tocante e situacion sumamente serio na Dr. Horacio Oduber Hospital.