Chauffeur burachi a accidenta cu auto di Compania

Bubali – Diadomingo marduga den careda di 5’or pasa polis a bay ariba e caminda na Bubali, unda un auto a dal un cura kibra.

Na yegada polis a topa cu Kia flatbed truck di un compania di Elevator cu e parti dilanti hinca den un cura di cas. Tawata tin hopi awa tambe y ora a bay mira a resulta cu ela kibra e meter di awa.

Loke a pasa tawata cu den un bocht chikiti posiblemente velocidad halto of cansancio di bebida a pone perde control.

Na yegada elo a bay acerca e agentenan pa bisa algo, pero debi cu e ta burachi e no tawata por a papia bon.

Mirando su estado, agentenan a opta pa un Transportwagen buske y hibe warda, unda lo lage supla.

No tawata tin hende herida.