Watty Vos Boulevard – Diadomingo merdia den careda di 1:35 informacion a drenta cu un auto lo a bolter na e brug di Codemsa.
Mesora polis y ambulance a wordo manda e sitio, y subiendo e brug bayendo direccion nort nan ta topa cu e vehiculo.
Pues esaki sigur lo tawata mas o menos un 300 meter mas leu di e brug mes.
Tawata trata di un v-car Jeep Cherokee Latitude di Royal Car Rental.
Na stuur tawata un chauffeur no local y bou influencia.
Elo tawata bayendo direccion zuid, momento cu debi na tanto velocidad halto y manehando bou influencia a perde control ariba e Jeep.
E auto a kita bay na su man robes bolter pasando over e separacion di tera y ta ranca un palo di luz, ta cay bek ariba su wielnan pa na final keda pega ariba e tera memey di e Boulevard.
Paramediconan cu a yega na e sitio a haci un control ariba e chauffeur turista, y a resulta cu e no a ricibi ni un rasca.
Despues cu ela baha di e ambulance un agente di trafico a lage supla. Esaki no a sali na su fabor, debi cu supla un Ųgl hopi halto cu e machine no por a lese.
E agente na un manera profesional a splike kiko ta bay sosode y a splike su derechonan, y a bay over na detene.
Transportwagen cu ya a wordo notifica y a yega na e sitio a tume over y hibe warda di polis.
Daño material ta grandi.
Takelwagen lo mester presenta pa bay cu e auto.
