Oranjestad – Aruba, Dialuna merdia Cuerpo policial a informa di e caso serio di menasa ariba school cu a circula rond siman pasa.
Segun polis lo ta trata di un caso hopi serio, cu no por a lage sin duna e atencion debido.
Siguientemente e informacion di parti polis:
“Macuarima Aruba: Di siman pasa ora cu e denuncia a wordo hasi Cuerpo Policial a institui di inmediato un team investigativo pa atende cu e investigacion mirando e gravedad y seriedad di e menasa. E caso aki a wordo trata cu prioridad y seriedad di parti di cuerpo policial mirando cu e la wordo considera como uno cu a toca interés general y seguridad di nos comunidad. Conhuntamente cu Ministerio Publico a yega na palabracionnan cu a pone , cu awe mainta a yega na detención di e persona masculino cu a haci e menasa aki.
Un palabra di agradecimento ta bay na e scolnan cu a duna nan maximo cooperacion den e caso aki . Esaki sigur a contribuí na e investigacion”.