Savaneta – Diamars den oranan di merdia informacion a cuminsa circula y despues confirma door di amigo y famia, cu e curpa sin bida di Paulus Martijn a wordo localisa.
Diamars mainta tres amigo cu lo tawata cune dia di e tragedia a sali direccion Colombia, y den e video cu a circula por a scucha nan bisando cu nan lo ta bay buske bin bek.
Pero, destino a dicidi otro.
Segun nos coleganan di Masnoticia.com den un entrevista cu famia a bisa cu nan a haya un contacto di e Satellite Phone, cu Martijn lo tawata tin cune.
Basa ariba e location a sali. Lamentablemente den oranan di diamars merdia informacion a cuminsa circula y despues confirma cu a localisa e curpa sin bida di Paulus Martijn.
Na Zeerover poco poco a cuminsa aglomera famia y conocirnan, tambe por a nota presencia di Ambulance y Polis. Ariba indicacion cu nan lo ta treciendo e curpa eynan.
Den careda di 4’or un famia lo a bira bastante emocional y lo a sali cu velocidad halto den su auto direccion abou.
Polisnan a logra localisa altura di Mangel Halto y asina a logra papia cune y pidi pa Slachtofferhulp por sigui atende cune.
Pues un palabra di forsa y alabes condolencia na e famia cu sigur a pasa algun dia hopi pisa y no a perde speransa, pero destino y Dios Tata Poderoso tawata tin un otro plan.
