Update: E fundacion a logra gara 4 di e 5 puppies. Nan lo sigui busca e di 5.
Luna Foundation Aruba Inc a publica riba nan pagina di Facebook un hecho cu lamentablemente ainda ta un acto hopi comun na Aruba. Riba medionan social a circula informacion bisando cu a ‘spot’ un auto lagando atras dos puppy den area di Baby Beach, e fundacion a splica.
E situacion actual ta cu e fundacion no tin espacio pa tuma mas cacho. Tur cage ta ya ocupa, e fundacion a duna di conoce. Asina mes mirando cu e caso aki ta ensera sernan bibo cu sentimento y necesidad alimentivo, algun miembro di e fundacion a bay na e sitio.
https://www.facebook.com/lunafoundationaruba/posts/607041103223785
Aki a topa cu no 2 puppy, pero 5. E fundacion a splica cu normalmente ta turista cu ta bishita e area hopi vez ta laga cuminda atras pa cacho. Awor cu nan no tey e mascotanan aki, cu ta den nan infancia ainda, lo sigur ta destina pa muri. Luna foundation a duna di conoce cu nan miembronan a pone cuminda y awa pa e bestianan tin. E desafio awor cu e fundacion ta enfrenta cune ta pa purba gara e puppies, nan tin miedo di hende y lo ta core o sconde pa nan.
Pa evita sufrimento innecesario di bestia, cu ta sernan bibo cu sentimento y necesidadnan, ta enfatisa con importante e ta pa opera bo mascota. Pa mas informacion por subi www.stimamisterilisami.com. Aki por lesa e gastonan di operacion, cu ta relativamente abou.
“Prijsnan special pa operashon pa fundashon of doño individual di cacho of pushi ta lo siguiente:
– Female Dog: AFL 150
– Male Dog: AFL 85
– Female Cat: AFL 80
– Male Cat: AFL 35″
Pa mas informacion tocante Luna Foundation Aruba y e trabou importante cu nan ta eherce por sigui nan pagina di Facebook aki. Donacion por wordo haci via PayPal : https://www.paypal.me/LunaFoundation
Tambe nan ta ricibi donacion via nan cuenta di Aruba Bank: Stichting Luna Foundation Business Account
6004940190 AWG
