Oranjestad – Dialuna merdia algo prome cu 1:30 Mando Policial a emiti un informe, unda cu nan manda 9 agente policial incluyendo nan superior cas, debi na e noticia cu sali siman pasa diahuebs. Algun persona incluyendo e dama agente cu ta nan superior a trata di tur manera pa desmenti e noticia.
Pero a resulta cu tin un of mas berdad di e noticia cu a sali siman pasa. Esaki tawata relaciona cu un “Wild Party” cu lo a sosode durante TDQ, unda un cantidad grandi di agentenan policial a tuma parti na dje. Esaki a leak y awe Mando Policial a tuma e decision y a informa pueblo.
Y asina e nubia scur ta keda colega ariba Cuerpo Policial di Aruba.
Aki ta sigui e relato ricibi di parti Mando Policia.
CUERPO POLICIAL TA INFORMA:
En Conexion cu e sucedido recientemente na Noord , Cuerpo Policial a cuminsa un investigacion interno. Den cuadro di e investigacion andando alto mando a tuma e decision di prohibi entrada na tur lokalidadnan di polis di un total di 9 colega di Cuerpo Policial.
Na e momentonan aki no lo por divulga mas informacion .