Den adicion di reenforsa su protocolnan di cuido, limpieza y higiena habitual, McDonald’s Aruba a implementa proceduranan adicional pa respeta distanciamento social, proteha e salud di tur y provee un experiencia sigur den su restaurantnan.
Oranjestad, 13 di mei 2020. Bou di e concepto di “McSafe” y cu e compromiso pa contribui na e prevencion di e plamamento di e virus, McDonald’s a repasa tur e areanan di su operacion pa implementa na su procesonan existente e recomendacionnan actual di autoridadnan di salud. Como un resultado, entre otro, e frequencia di limpieza di superficie y labamento di man a aumenta pa asina reenforsa e procesonan habitual y pone proceduranan sin contacto fisico na vigor. Esaki ta inclui e promocion di pagonan electronico, isolacion acrilico di e bentananan di AutoMac y entregamento di pedido sin contacto fisico.
“Semper nos a wordo reconoci pa nos ofrecemiento di e standardnan di mas halto den e industria pa locual ta seguridad di cuminda, limpieza y higiena. Den e situacion delicado cu nos ta aden, nos a duna cuido adicional y a haci tur locual tabata necesario, apart di locual cu a wordo recomenda door di autoridadnan di salud. Esaki tabata pa duna e seguridad y trankilidad na nos empleadonan y clientenan; asegura e proteccion di nan salud y bienestar mientrastanto nan ta disfruta di e experiencia di McDonald’s.” Nurdrey Granviel, Market Manager di Arcos Dorados Aruba, a bisa.
E medidanan cu a wordo implementa
E iniciativa di “McSafe” tin dos pilar principal:
- Dunando cuido na hende, enfoca ariba contacto limita
-
-
- Cada momento cu ta posibel, stimula pago electronico
- Usa proceduranan nobo pa entrega producto y evita contacto di man
- Aumenta medidanan di higiena implementa door di e empleadonan
- Tur empleado ta wordo duna ‘face masks’ y ‘face shields’
-
- Intensificacion di trabao di limpieza:
-
-
- Aumenta e frecuencia di e labamento di man di e empleadonan
- Aumenta e frecuencia di desinfeccion di superficie cu tin hopi contacto fisico
- Tur empleado di McDonald’s ta certifica den maneho higienico di cuminda
-
McDonald’s ta keda comprometi na e promocion di “teamwork” pa asina cuida otro pa surpasa e periodo dificil aki.
——————————
Tocante Arcos Dorados
Arcos Dorados ta e frankesa independiente di McDonald’s di mas grandi na mundo, operando e cadena di restaurant di ‘servicio lihe’ di mas grandi den Latino America y Caribe. E tin e derecho exclusivo pa obtene, opera y duna frankesa di restaurantnan di McDonald’s den 20 pais y teritorio di Latino America y Caribe, cu casi 2,300 restaurant cu ta wordo opera door di e compania of sub-frankesa. Hunto e ta emplea mas di 100 mil hende (31/12/2019). E compania tin un compromiso na e desaroyo di e comunidadnan na unda e ta opera, pa asina provee na e hubentudnan prome oportunidadnan formal di trabao y utilisa su proyecto di “Scale for Good” pa haci un impacto positivo na e medio ambiente. Arcos Dorados ta riba lista pa comercio riba e New York Stock Exchange (NYSE: ARCO). Pa siña mas tocante e compania, por bishita su website na: www.arcosdorados.com