PALM BEACH, ARUBA – Recientemente Aruba Marriott a hasi un donacion di 193 desktop computer y 18 laptop segunda mano na S.K.O.A. despues di a renoba e inventario di computer y laptop di su trahadornan.
E team di I.T. di Aruba Marriott a dedica na prepara e desktop computer y laptop nan aki, pa asina por entrega esaki nan na S.K.O.A., kende ta encarga pa distribui esaki nan entre scol nan di basis onderwijs y voortgezet onderwijs, pa studiante nan por usa esaki nan den computer lokaal.
Aruba Marriott a hasi e donacion aki pa asina aporta na enseñansa y asina yuda scol nan setup of update nan computer lokaal pa por sigi yuda desaroya “computer skills” di cada studiante y prepara nan bon pa futuro.
Pa Aruba Marriott e ta importante pa por sigi contribui na comunidad di Aruba den un forma of otro. Esaki ta parti di Marriott su cultura unda balornan manera duna bek na comunidad ta un di e aspecto nan di mas importante di e compania.
Mas di Aruba Marriott:
Aruba Marriott Resort & Stellaris Casino a habri na aña 1995 cu 411 camber y despues a añadi 3 camber mas na aña 2018. Na aña 1999 a habri Ocean Club cu 311 camber y na aña 2004 a habri Surf Club cu 900 camber. En total, e famia di Aruba Marriott ta consisti di mas o menos 1200 empleado den servicio directo. E compleho di Aruba Marriott ta esun di mas grandi den henter Caribe, tanto den cantidad di camber como den cantidad di empleado.