Home » Dia Internacional di preservacion di ozon

Dia Internacional di preservacion di ozon

by Admin
0 comment 106 views

ORANJESTAD – Ken no ta corda cu den añanan 80 a papia di e fenomeno di e buraco den e capa solar of e ozon? Tambe, a stop di produci hopi producto como cu esakinan tawata contribui na haci e capa den e ozon mas fini y crea un buraco cu lo tin efectonan desastroso pa hende y bida na mundo.
Tur aña ariba 16 september ta celebra y ta pone atencion riba e tema cu Nacionnan Uni desde aña 1987 a propone como Dia Internacional di preservacion di capa di ozon. E conmemoracion aki di e fecha 16 di september tin di haber cu firmamento di un protocol na Montreal cu a trata e substancianan cu ta afecta y por caba cu e capa di ozon. Directie Natuur en Milieu (DNM) ta e instancia gubernamental cu ta formula maneho pa loke ta trata e topiconan relaciona cu naturalesa y medio ambiente, pa tene esakinan den un estado saludabel pa un y tur. E capa di ozon tin un rol importante pa proteha salud humano, medio ambiente y e ecosistema. P’esey tambe DNM ta pone un luz riba e tema y e dia di conmemoracion aki.
Kico ta e temanan pa atende cune rond di e topico di e capa di ozon?
Topiconan manera e capa di e ozon (ozone layer), cambio di clima, daño na e capa solar, promocion di e productonan cu ta ozone friendly, e rayonan ultravioleta, e ondanan cayente cu tin di haber cu e gasnan den atmosfera.
E aña aki pa cu e dia International di capa di ozon, Nacionnan Uni kier pa celebra e exito den e avancenan di e area di proteccion di e ozon. Mester vigila si, cualkier substancia of producto ilegal cu lo por contribui na e daño di e ozon. P’esey mes paisnan mester coopera y sostene e Kigali Amendment na e Montreal protocol cual a bay den efecto dia 1 di januari 2019. Esaki a encera pa eradica y stop cu hydroflourocarbons (HFC’s) cual ta e gasnan potente cu ta contribui na cambio di clima. E amienda aki por yuda evita cu temperatura global lo subi te cu 0.4 grado C pa final di e siglo. Tambe door di combina e accionnan, elimina mas gas HFC y cambia pa e productonan cu ta spaar energia, p.e den e industria cu ta traha e productonan pa fria (cooling industry), manera airco y frishidernan, nos por logra mas beneficio pa e clima y proteccion pa e ozon.
Pa por haya mas informacion tocante di e capa di ozon, DNM ta acerca departamento meteorologico, cu ta e instancia cu diariamente ta duna un indicacion tocante e rayonan ultravioleta cu ta midi rond mundo. Asina hende por sa ki grado ta safe y con largo por keda pafor sin cu esaki ta afecta e cuero na un forma peligroso. Esaki ta un ehempel di kico hende mester tene cuenta cu ne. Tambe ta importante pa ora di cumpra e productonan di aerosol (di fliet), pa check bon si nan no ta contene gasnan HFC of otro kimico daniño pa nos medio ambiente.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio