Home » Pelea cu machete, boter y baranca a caba cu un persona deteni

Pelea cu machete, boter y baranca a caba cu un persona deteni

by Admin
0 comment 100 views

Madiki: Diabierna algo prome cu mey anochi, presencia di polis a wordo pidi cu urgencia pa un bringamento riba caya.

Un pelea den cual dos famia tabata envolvi, esaki a sosode riba caya den Madiki. Aparentemente un bringamento entre dos homber a bay for di man na momento cu nan a cuminsa tira boter, baranca y te hasta tabata wordo bisa cu un di e partidonan tabata tin un machete den su poder.

Na yegada un di e sospechosonan manera cu e la mira polis, e la core bay for di e sitio. E otro homber a keda atras y na e sitio a bin compronde cu e homber aki a tira baranca causando destruccion na un auto. Den e bringamente un boter a dal un señora na su pia, pero no a keda herida.

Polis a tuma tur datos for di mayoria di esnan cu a presencia of tabata envolvi den e  bringamento aki. Tambe nan a detene un sospechoso.

E sospechoso a wordo transporta pa warda di polis, pa interogacion.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio