Home » ‘Sex cu mi casa ta fadami’

‘Sex cu mi casa ta fadami’

by Admin
0 comment 159 views

Pa dos aña caba, mi ta gañando mi casa. E ta kere cu ainda mi ta disfruta di sex cune, pero en realidad e sex a fria. E ta laf y e ta fadami.
E motibo mester ta menopausa, aunke mi a haya asina poco sintoma, cu mi no a sinti mes cu mi tawata pasando door di esey. Un par di hot flashes aki aya, y mi menstruacion a stop, pero nada otro a cambia. E unico cos notable ta, cu henter mi sentido erotico a desaparece di un dia pa otro.
Ami cu mi casa semper a traha tempo pa disfruta di aventura den e area sexual. Ainda mi ta stime mesun hopi cu semper. Pa rechase of sugeri cu di awor en adelante e lo mester biba sin sex, lo ta algo hopi cruel di mi banda. Pa gaña sinti placer tambe parcemi deshonesto, pues gradualmente nos a pasa pa e tipo di sex machista cu mi a siña soporta tempo mi tawata tin 20 aña, locual ta nifica, zorg pa nos keda cla lihe. E no a bisa nada di e cambio aki, pasobra ami a zorg pa e pasa gradualmente. Kizas e por a adivina e motibo pa e cambio, pero nunca mi a mustre cu mi ta fada of irita.
Mi no a cansa di biba: mi ta hopi druk den mi carera y ainda mi ta fit y bon di salud. E cambio aki den mi bida sexual pami ta algo natural y bon bini. Un cambio di energia, cu mi ta hinca awor den mi trabou, mi famia y e resto di mi bida. Nunca den mi bida mi a imagina esaki, pero awor e situacion aki pami ta ideal. Mi casa lo haci 60 aña pronto. E lo bai join mi den e mundo post-sexual? Mi ta spera cu si.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio