Gradicimento y Invitacion
Pa medio di esaki nos Famia kier a gradici di henter nos curason tur esnan cu di un manera of otro a mustra atencion y duna sosten durante fayecimento inespera y entierro di nos ser stima:
Regina “Kathy” Croes-Dirksz
Boso muestra di atencion y sosten ta wordo hopi aprecia y ta di un gran consuelo pa nos den e momentonan dificil aki.
Nos ta gradici cada un cu a yega na momento di fayecimento, cu a compaña nos durante tur e dianan, a haci yamadanan telefonico, a manda mensahe nan via Whatsapp y Facebook, tur publicacionnan bunita, kaarchinan di condolencia y cu a manda krans.
Un danki special ta bay na personal di ambulance cu a haci tur nan esfuerzo na su ultimo momento, Dr nan: Casseres, Mungra y Sighn cu semper tabata tey pe, na e team di Wondenpoli cu semper a verzorg e bon, Romeo, John, Emely y Maria y tur afdelingnan di HOH cu semper a dune bon cuido. Su enfermeranan personal, Julie (tantan) y Jane (su omachi) cu a cuide semper cu hopi amor.
Danki na su subrina nan Jiany y Emely pa e bunita poesia.
Danki na e Team completo di Colegio San Hose pa sosten duna na su yui Kalilah. Na Sr. Lee y e team di Subway pa su bunita palabranan.
Na Aurora Funeral home pa nan bon servicio y Pastoor Andry Soto pa e bunita response y palabra nan di aliento pa e famia.
Na mes momento nos kier a invita demas famia, bisiñanan, amigo/anan y conocirnan pa compaña nos na e tres Santo Sacrificio di Misa cu lo tuma lugar na Misa Inmaculada Concepcion na Santa Cruz dianan:
Diamars 01 juni 2021 pa 7 pm
Diaranson 02 juni 2021 pa 7 pm
Diabierna 04 juni 2021 pa 7 pm
Despues di ultimo misa diabierna 04 juni 2021 lo tin un Santo Rosario na cas, Kas Ariba 54 na Santa Cruz pa descanso di su alma.
Boso presencia lo wordo altamente aprecia.