Caya Ing.Roland H.Laclé – Diasabra atardi a drenta informacion di un accidente serio cu hende herida. Esaki a sosode ariba e crusada di Van Leeuwenhoekstraat cu Caya Ing.Roland H.Laclé.
Mesora varios unidad policial a bay pa e sitio, y na yegada por a constata cu un di e autonan a ranca un di e luznan di trafico.
Tawata trata di dos auto, un Jeep y un Nissan March. Na e sitio nos a compronde cu e Jeep bayendo ariba Van Leeuwenhoekstraat a haya confronta cu e March cu a subi e crusada sin duna preferencia.
Di e manera aki e Jeep a dal e March, unda cu debi na e impacto esaki a causa cu e autonan a dal contra e palo di luz di trafico y tambe dal un palo di luz.
Na stuur di e Nissan March tawata tin un dama cu a haya golpi y tawata keha di dolor y problema cu halamento di rosea.
Pa e motibo aki a pidi pa un ambulance.
Na yegada Paramediconan a opta pa hiba e dama Hospital pa un control mas extenso.
