Tono di bo voz por determina si bo ta atractivo of no, locual tambe e por mustra ta si bo ta fiel of no cu bo pareha, asina un estudio haci na Canada y publica door di e revista Evolutionary Psychology.
Estudio haci a determina cu hende por sinti si tono di un stem di un persona por ta un partner potencial, den e sentido cu e persona ey por ta di confia of no.
Cientificonan a studia stem di 54 homber y 61 hende muhe na Universidad.
Despues nan a cambia e stemnan, hisando y/of bahando nan.
Nan a laga un grupo di boluntario scucha e stemnan, a puntranan cua di e stemnan tawata ta zona cu no ta di confia y cua di nan tawata mas atractivo.
E resultado tawata lo siguiente: Hombernan cu un tono di voz abou a wordo selecciona door di e damanan como esnan cu no ta di confia, pero alabes como esnan tambe mas atractivo.
Homber na nan turno a duna di conoce cu muhenan cu un tono di voz “sexy” ta esnan cu probablemente no ta di confia.
E splicacion tras di esaki ta sinta hopi biaha den nos fisonomía(nos rostro/cara), mirando cu hombernan cu stemnan diep y muhenan cu tono di voz halto tin respectivamente concentracionnan mas halto di e hormoon Testosteron(homber) y Oestrogeen(hende muhe).
“Si e hendenan aki ta mas atractivo, ta door cu nan ta den un relacion”, asina David Feinberg, un Professor di e departamento di Psicologia y Neuro Ciencia y e persona cu a conduci y ta alabes consehero di e estudio a bisa.
“Door di nan hormoon e chens ta grandi cu nan ta promiscue (mester di mas cu 1 sex partner) tambe.
Door cu nan ta atractivo, nan pareha ta permitinan “sali con la suya”. Nos ta pensa cu esaki toch lo por diferencia di persona.
Estudionan previamente haci cerca tribunan Africano a demostra cu hombernan cu e tononan di voz mas abou ta cay bou di e tatanan cu mas yiu, comproba door di estudionan haci.
Conclusion, si abo ta/a haya e stem di bo date nobo sexy, lo ta bon pa bo pense dos biaha prome bo dal aden cu ne, segun 180 Health.